|
پنجشنبې, 29 جولای 2010 15:57 |
|
دغه پروژې چې په کې د اوبو بندونه او کارېزونه شامل دي د کوټ ولسوالۍ په بيلابيلو٤١ کليو لپاره د مرکزي اسيا لپاره د پرمختيايي ګروپ CADGله خوآ د يوسايډ په مرسته په څه باندې درې مياشتو کې بشپړې شوې.
د يادې ادارې يوتن مسول انجنير محمد فريد دبشپړو شوو پروژو په سيمه کې وويل په دغو پروژو کې ٣٤ سربندونه او پاتې يې کاريزونه دي چې د يوسايډ د څه کم يو ميليون امريکايي ډالروپه لګښت د مرکزي اسيا لپاره پرمختيايي ګروپ له خوا سرته ورسيدې.
د نوموړي په وينا د بشپړو شوو ٤١ رغنيزو پروژو له مخې د ٢٥٨٧٧ کورنيو لس زره پنځه سوه هکتاره ځمکې ته د خړوب اسانتياوې برابرې شوې.
د اسيا د پرمختايي ګروپ د مسولينو په وينا يادې ټولې پروژې يې دسيمې د اوسيدونکو په خوښه سرته رسولي او د کار پرمهال په کې ځايي زرګونه اوسيدونکو ته د کار کولو زمينه هم برابره شوې وه.
|
