افغانستان د لويو وچو په سياليو کې سکاتلند ته په ٢٢٩ منډو ماتې ورکړه او اوس د اوو هيوادونو په اتلوليو کې لومړى مفام لري

دافغانستان اوسکاټلینډ ترمنځ دکرکټ په څلورورځنې لوبه کې دافغانستان لوبډلې په دویم ځل منډې جوړول پیل کړي.

 تردې وړاندې افغانستان په خپل لومړي وارکې دټولولوبغاړوپه سر ۴۳۵ منډې جوړې کړې وې، اودسکاټ لینډ لوبډله یې یواځې په ۱۳۹ منډووسوځوله.

 په بیټنګ کې دافغانستان ټول لوبغاړي ډیرښه وځلیدل خوپه ځانګړې توګه دسمیع الله شینواري اواصغرستانکزي لوبه ډیره دارزښت وړوه . سمیع ۱۰۲ ، اصغر۹۳ ، کریم ۶۷ اومحمدشهزاد ۵۱ منډې جوړې کړې.

 دتوپ وهونکوپه څیردافغانستان توپ اچوونکي هم وروسته پاتې نه شول اوغیرعادي لوبه یې وکړه. حمید حسن چې دنړې دتیزتوپ اچوونکوپه ډله کې شمیرل کیږي ۶ په دغه لوبه کې هم خوراښه ولوبیداوشپږلوبغاړي یې وسوځول، دهغه ترڅنګ محمدنبی دوه اوسمیع الله شینواري یولوبغاړې وسوځاوه. افغانستان په لومړي وارکې له اسکاټ لینډ څخه ۲۹۶ منډې مخکې دې.

ددرېمې ورځې لوبه پیل شوې ده اودافغانستان له لوري کریم صادق اونورعلي ځدران دمنډوجوړلولپاره لوبغالي ته راغلي دي.

 افغانستان اوسمهال ټولټال ۳۵۴ منډې لري ، دوې به هڅه کوي چې نن دچای تردمې پورې په خپله ولوبیږي اوکم څه کم د ۵۰۰ منډوهدف سیالی لوبډلې ته وټاکي اوبیادورځې په پاې کې سکاټ لینډ ته دلوبې بلنه ورکړي ترڅودافغانستان توپ اچوونکوته کافی وخت په لاس ورشي چې دسکاټ لینډ ټول لوبغاړي وسوځوي اولوبه وګټي.

 تردامهاله خودافغانستان لوبډله په لوبه کې لاسبرې ده . دانترکانتیتیتال کپ دغه څلورورځنې لوبه دافغانستان لپاره خوراډیرارزښت لري اودوې به هڅه کوي چې دغه لوبه وګټي . که چیرته دافغانستان لوبډله په دغه لوبه کې بریالې کیږي نودوې به ۱۸ پواینټه ترلاسه کړي.

دپاکستان اوانګلستان دکرکټ لوبډلوترمنځ دویمه پنځه ورځنې لوبه نن په ایجیسټن کې پیلیږي.

په لومړۍ لوبه کې انګلستان پاکستان ته د۳۵۴ منډوپه توپیرماتې ورکړې وه.